Гарановіч Віталь

Віталь Гарановіч (07.01.1952 – 17.04.2012), паэт, педагог. Нарадзіўся ў в. Ермакі Маладзечанскага раёна. Скончыў Хоўхлаўскую сярэднюю школу і філфак Мінскага педінстытута. Служыў у арміі. Працаваў у друкарні выдавецтва “Вышэйшая школа”, настаўнікам, дырэктарам сельскіх школ, дырэктарам сярэдняй школы № 3 г Глыбокае. Жыў у г. Глыбокае. Член СП Беларусі (1997). Лаурэат літаратурнай прэміі Федэрацыі прафсаюзаў Беларусі (2009). Памёр і пахаваны ў г.Глыбокае.
Выступаў з паэтычнымі творамі ў раённым, абласным, рэспублі-канскім друку. Аўтар кніг паэзіі “Беразвечча” (1997), “Святло блакіту” (2002), “Саракі” (2007), “Нараджэнне вады” (2011).
Літ.:Пагавары са мной…: Памяці Віталя Гарановіча / уклад. Л.Гарановіч. Мн., 2014.