Kонкурс на лепшую самаробную кнігу

З 1 лістапада 2017 года да 31 мая 2018 года.

Заснавальнікі Конкурсу: аддзел ідэалагічнай работы, культуры і па справах моладзі Маладзечанскага раённага выканаўчага камітэта і дзяржаўная ўстанова культуры “Маладзечанская цэнтральная раённая бібліятэка імя Максіма Багдановіча”.

Удзельнікам Конкурсу можа быць любы жыхар Маладзечанскага раёна ці аўтарскі калектыў.

Конкурс праводзіцца па наступных намінацыях:

– “На лепшае мастацкае афармленне кнігі пра горад”;

– “На лепшае мастацкае афармленне кнігі пра знакамітых людзей горада”.

Кожны ўдзельнік можа падаць на Конкурс работы (па адной) па ўсіх намінацыях.

Творчыя працы прымаюцца па адрасе: 222310 г. Маладзечна, вул. В.Гасцінец, д. 121В-3, ДУК “Маладзечанская цэнтральная раённая бібліятэка імя Максіма Багдановіча” (з паметкай “На конкурс”) да 31 мая 2018 года.

Працы, якія не адпавядаюць патрабаванням Палажэння аб Конкурсе і паступілі пазней названай даты, разглядацца не будуць.

Работы, прадстаўленыя на Конкурс, не рэцэнзуюцца і не вяртаюцца аўтарам, лепшыя з іх папоўняць калекцыю самаробных выданняў ДУК “Маладзечанская цэнтральная раённая бібліятэка імя Максіма Багдановіча”.

Самаробныя кнігі абавязкова павінны суправаджацца заяўкай на ўдзел у Конкурсе.

Прэзентацыя калекцыі лепшых самаробных кніг адбудзецца падчас святкавання 630-годдзя горада Маладзечна.

Фотаздымкі работ-пераможцаў будуць размешчаны на сайце ДУК “Маладзечанская цэнтральная раённая бібліятэка імя Максіма Багдановіча” molib.by.

Па кожнай намінацыі вызначаюцца пераможцы – I, II, III месцы.

Пераможцы Конкурсу ўзнагароджваюцца дыпломамі і прызамі.

Узнагароджванне пераможцаў адбудзецца падчас святкавання 630-годдзя горада Маладзечна.

ПАЛАЖЭННЕ аб конкурсе на лепшую самаробную кнігу (950 kB, RAR)

Заяўка на ўдзел у Конкурсе (17 kB, RAR)