Знаменитые люди Молодечненского края

Імёны на скрыжалях гісторыі

У кожнага выдання ёсць канкрэтны адрасат. У нашым выпадку – гэта жыхар маладзечанскай зямлі. Сур’ёзны, адказны і адукаваны. Бо любоў да роднай зямлі, яе лепшых прадстаўнікоў патрабуе ведаў і разумнай апантанасці.
А нам, жыхарам Маладзечаншчыны, ёсць чым ганарыцца, што паважаць і з чым ісці ў наступныя стагоддзі. Дзівосныя помнікі архітэктуры і прыроды, вуліцы і плошчы вёсак і мястэчак, усё гэта – наш гонар і слава! Але найпершым здабыткам роднай зямлі з’ўляюцца людзі. Яны працавалі ў розных сферах чалавечай дзейнасці. Сярод іх былі таленавітыя пісьменнікі і мастакі, апантаныя ў сваёй прафесійнай ахвярнасці медыкі і археолагі, няўрымслівыя этнографы і фалькларысты, кнігадрукары і выдаўцы, мудрыя педагогі. Яны былі розныя па характару, тэмпераменту, адметныя ў сваіх грамадскіх і палітычных поглядах і прыярытэтах, але ўсіх яднала шчырая і адданая любоў да сваёй малой радзімы і вялікая заклапочанасць будучым лёсам роднай Беларусі.
Але так ужо склалася, што мы вельмі мала ведаем пра сваіх славутых землякоў, амаль не цікавімся іх лёсамі, рэдка калі заглядваем у кнігі, якія яны напісалі, наведваем выставы, дзе дэманструюцца іх мастацкія палотны. Ды, калі ўжо быць да канца шчырым, то і прозвішчы многіх з іх мала што гавораць сучаснаму гараджаніну ці вяскоўцу. І каб хоць крыху выправіць гэту ганебную з’яву і ўзнікла задума гэтага выдання. Выдання – навукова-папулярнага, разлічнага на разнастайную чытацкую аўдыторыю. Мажліва, што некаторым з чытачоў здаецца, што не ўсе вартыя нашай пашаны прозвішчы ўнесены на старонкі гэтай кнігі. З такой высновай спрачацца бессэнсоўна, бо ўсё ахапіць практычна немагчыма. Ды і мэта наша заключалася ў тым, каб уключыць у выданне прозвішчы толькі тых, хто адышоў у іншы, трэба думаць, больш справядлівы свет.
А як нам удалося гэту ідэю ажыццявіць, то меркаваць табе, наш дарагі чытач і аднадумца.

Міхась Казлоўскі, пісьменнік, краязнаўца

​

Тарашкевіч Браніслаў