Гульня – віктарына  па казцы “Кацёл з каменьчыкамі”

Усіх нас гадуюць

Матчыны казкі.

Яны вучаць

Родную мову любіць.

На крылах юнацтва

Уздымаюцца пад хмары,

З няпраўдай змагацца,

А з праўдай дружыць…

Максім Танк

26 лістапада з вучняміі 1-5 класаў ГУА “Гарадоцкая базавая школа”  філіал №10 “Сельская інтэграваная бібліятэка аг.Гарадок” правяла да юбілею вядомага пісьменніка, празаіка, паэта У.Караткевіча гульню – віктарыну  па казцы “Кацёл з каменьчыкамі”. Уважліва прачытаўшы гэтую казку, вучні правільна адказвалі на прапанаваныя пытанні. З выразаных літар складалі словы-адказы і ўстаўлялі ў віктарыну. З прапанаванага канверта патрэбна было правільна размеркаваць прыметнікі, якія характарызавалі літаратурных герояў. Цікавыя пытанні знаходзіліся і ў чароўнай скрыні. Дзеці чыталі выказванні беларускіх паэтаў адносна праблемы “дабро-зло”. Бібліятэкар пажадала ўдзельнікам заўсёды заставацца добрымі, чулымі, не абыякавымі да тых, каму патрэбна дапамога, каб у іх сэрцах цепліліся дабрата і пяшчота,  і якімі б яны заўсёды маглі падзяліцца з іншымі. За актыўны ўдзел дзяцей чакалі прызы і салодкія пачастункі.