“Я вырас тут і край мне гэты дарагі”

Літаратурны ваяж здзейснілі супрацоўнікі абанемента разам з навучэнцамі палітэхнічнага каледжа пад сімвалічнай назвай “Я вырас тут і край мне гэты дарагі!”.

Мерапрыемства было прысвечана Году малой радзімы.

Гістарычнае мінулае і сенняшні дзень мястэчак і весак роднай Маладзечаншчыны  праз прызму лёсаў знакамітых асоб Беларусі, якія аказалі значны ўплыў на іх заняпад і развіцце,  паўставала перад вачыма слухачоў з эмацыйнага і гарачага аповяду Міхася Казлоўскага –  вядомага краязнаўцы, рэдактара часопіса “Куфэрак Віленшчыны”, ўкладальніка шматлікіх зборнікаў па гісторыі і літаратуры. Любоў да Радзімы вырастае з любові да роднай маці і таго куточка, дзе нарадзіўся і вырас – гэтую сваю ўпэўненасць спрабавалі данесці арганізатары мерапрыемства  да сэрцаў  сваіх чытачоў.А лепшыя знаўцы сваёй малой радзімы атрымалі невялікія сувеніры.