Чытаем кнігі пісьменнікаў-землякоў

У кожнага горада, у кожнай вуліцы ёсць свой непаўторны голас. Мы чуем яго ў шуме лістоты дрэў, у рытме пешаходаў, якія некуды спяшаюцца, ў цішыні старых падворкаў… Але па-сапраўднаму гэты голас ажывае на старонках кніг нашых землякоў. Чытаючы іх, мы нібы вядзем павольную гутарку з тым, хто бачыць свет тымі ж вачыма, што і мы, хто дыхае тым жа паветрам і ведае таямніцы нашых родных мясцін. Чаму варта адчыняць кнігі мясцовых аўтараў? Магчыма таму, што менавіта ў іх мы знаходзім адказы на пытанні, якія задае нам сама наша зямля.

21 ліпеня супрацоўнікі аддзела абслугоўвання і інфармацыі ДУК “Маладзечанская цэнтральная раённая бібліятэка імя Максіма Багдановіча” правялі акцыю “Чытаем кнігі пісьменнікаў-землякоў”. Чытачам прапаноўвалі па ўрыуку з верша і па фотаздымку вызначыць мясцовага паэта альбо паэтку. За правільны адказ удзельнікі атрымоўвалі невялікі сувенір – закладку для кніжак альбо цукерку.

Гэта акцыя паказала, што літаратура – гэта не толькі выдуманы свет, гэта перш за ўсё пазнанне. Калі аўтар апісвае пах квітнеючай ліпы на цэнтральнай плошчы ці мясціны, каля якіх ты праходзіш кожную раніцу, адбываецца маленькі цуд. Ты перастаеш быць проста назіральнікам, ты становішся саўдзельнікам гісторыі. Кнігі землякоў нагадваюць нам, што за кожным звыклым фасадам хаваецца цэлы сусвет пачуццяў, а за кожным паваротам лёсу – вопыт пакаленняў, якія жылі тут да нас. Чытаючы іх, мы перастаем адчуваць сябе выпадковымі мінакамі ва ўласным горадзе і здабываем тое самае рэдкае пачуццё датычнасці, якое робіць нас па-сучаснасці “сваімі” на гэтай зямлі.