Час, які нельга забыць

22 сакавіка 1943 г. Хатынь была знішчана. Ні на адной геаграфічнай карце няма сёння гэтай беларускай вёскі. Але на тым месцы, дзе яна была, раскінуўся велічны мемарыяльны комплекс у памяць сотняў беларускіх вёсак, знішчаных нямецка-фашысцкімі акупантамі.

Супрацоўнікі цэнтральнай раённай бібліятэкі правялі гістарычны ваяж “Час, які нельга забыць”, прысвечаны гэтай журботнай даце. Яны пазнаёмілі навучэнцаў Маладзечанскага гандлёва-эканамічнага каледжа з трагічнай гісторыяй Хатыні. У сцэнарый былі ўключаныя вершы беларускіх паэтаў, празаічныя матэрыялы з кнігі Антона Бялевіча “Хатынь: боль і гнеў“. Акрамя гэтага былі выкарыстаны архіўныя матэрыялы, у тым ліку з паказанняў Іосіфа Іосіфавіча Камінскага, галоўнага сведкі і відавочцы Хатынскай трагедыі.