Розум-шоу-24

Апошняя гульня пятага сезону “Розум-шоу” складалася з шасці тураў. У ёй бралі ўдзел каманды “Тры дубы”, “Васількі”, “Каманда №1” і “Без назвы”.

Шмат пытанняў тычыліся літаратуры. Так, па арыфметычнаму прыкладу трэба было вылічыць твор Р. Брэдберы “451⁰ па Фарынгейту”, па чатырох выявах вызначыць нашага песняра Янку Купалу, пазнаць Васіля Быкава, як адрасата тэлеграмы Аляксандра Твардоўскага. Гульцы ўзгадвалі творчасць Марка Шагала, сучасную назву фабрыкі “Камсамолка” і нават “Цэнтр Еўропы”. Некаторыя пытанні былі звязаны з гісторыяй Маладзечна.

Па выніках гульні перамагла каманда “Тры дубы”.