Мэтай правядзення Нацыянальнага фестывалю беларускай песні і паэзіі з’яўляецца далучэнне да беларускай музыкі, паэзіі, мовы, папулярызацыя твораў сучасных паэтаў і кампазітараў, пошук таленавітых творцаў.
Паэтычная пляцоўка “Роднай зямлі многагалоссе”, якая была арганізавана супрацоўнікамі Маладзечанскай цэнтральнай раённай бібліятэк1 імя Максіма Багдановіча ў рамках акцыі “Роднае слова”, запрашала жыхароў і гасцей горада на сустрэчу з пісьменнікамі нашага горада.
Са сваімі творамі пазнаёмілі прысутных Таццяна Атрошанка, Тамара Аўсяннiкава, Марыя Шабанец, Аляксандр Хазянін і Святлана Капуцкая.
Музычным аздабленнем творчай сустрэчы сталі выступленні кампазітара, выканаўцы Віктара Мяцельскага, артыста тэатра песні і паэзіі “Разам” Назара Прахоцкага, артыстаў эстрады Ірыны Сапуновай і Аляксандра Заўгародняга. У іх выкананні прагучалі песні на вершы паэта Фёдара Баравога, які таксама прысутнічаў на імпрэзе.
На працягу мерапрыемства працавалі фотазона “Разам з класікам” і кніжная выстава, на якой былі прадстаўлены кнігі пісьменнікаў-зямлякоў.
Оставить ответ
Для отправки комментария вам необходимо авторизоваться.