Раскладзём усё па кніжных палічках

Падчас ХХІІІ Нацыянальнага фестывалю беларускай песні і паэзіі «Маладзечна-2024», у рамках творчай сустрэчы (Маладзёжнага форуму) маладых спецыялістаў галіны культуры супрацоўнікі аддзела абслугоўвання і інфармацыі цэнтральнай раённай бібліятэкі імя Максіма Багдановіча ў Палацы культуры прадстаўлялі лакацыю “Раскладзём усё па кніжных палічках”.

Удзельнікам  гульні прапаноўваліся кніжныя закладакі, на якіх было патрэбна прачытаць моманты з 1993 года з гісторыі правядзення фестываляў. Па дадзеным апісанні было неабходна ўставіць закладку ў тую кнігу, да якой яна мае дачыненне.

Маладыя спецыялісты паказалі цудоўныя веды пра фестывалі беларускай песні і паэзіі ў Маладзечне і з ахвотай расклалі ўсё па кніжных палічках. За правільна выкананае заданне ўдзельнікі атрымалі музычную ноту. А напрыканцы мерапрыемства маладыя спецыялісты выказалі жаданне зрабіць фотаздымак на памяць.