Пазнавальна-забаўляльная праграма “Старонкі гісторыі”

25 красавіка ў Маладзечанскай цэнтральнай раённай бібліятэцы імя Максіма Багдановіча прайшла акцыя “Бібліяноч”, прымеркаваная да 85-годдзя Маладзечанскага раёна “Зямля, дзе пачаўся мой лёс”.

Гасцей мерапрыемства чакалі гульні, віктарыны, інтэрактыўныя выставы, творчыя майстэрні, музычныя віктарыны, літаратурна-краязнаўчыя гульні, фотазоны, фотасушка, літаратурная шыфроўка і інш.

Трэба было атрымаць маршрутны ліст і прайсці па ўсіх лакацыях. На станцыях наведвальнікі ўдзельнічалі ў мерапрыемствах, якія асвятлялі гісторыю раёна ў гады Вялікай Айчыннай вайны, пасляваенныя гады, прамысловасць раёна, гісторыю і культурнае жыццё.

Аддзел маркетынгу, сацыякультурнай дзейнасці і метадычнай работы падрыхтаваў для наведвальнікаў бібліяночы пазнавальна-забаўляльную праграму “Старонкі гісторыі”. Наведвальнікі маглі пазнаёміцца з выдатнымі пісьменнікамі Маладзечанскага раёна з дапамогай літаратурнай карты, наведаць вядомыя мясціны маладзечаншчыны, паўдзельнічаўшы ў гульнях “Жамчужыны Маладзечаншчыны” і “Краязнаўчыя маршруты”. А яшчэ цікавасць выклікалі крыжаванкі па творах пісьменніка Янкі Галубовіча, гульня “Літаратурная складанка” па творчасці Максіма Бандановіча, фотасушка са здымкамі горада Маладзечна былых гадоў.