Наша гісторыя ў звычайных рэчах

20 лістапада для вучняў ДУА “Сярэдняя школа №12 г. Маладзечна” супрацоўнікі залы мастацтва правялі краязнаўчую праграму “Наша гісторыя ў звычайных рэчах”. Захапленне гісторыяй роднай краіны, любоў і павагу трэба выхоўваць з дзяцінства. Дзеці, якія з маленства шануюць традыцыі сваіх продкаў, пранясуць такія адносіны праз усё жыццё.

З мэтай паглыблення ведаў пра Беларусь была падрыхтвана краязнаўчая праграма. Бібліятэкар расказала пра беларускую вышыванку, беларускія цацкі і пазнаёміла з прадметамі побыту мінуўшчыны, якія выкарыстоўваліся ў сялянскай хаце. Цікава тое, што ў класе зроблен музейны куток “Беларуская хатка”, экспанаты якога дапамагаюць дзецям зразумець мову гэтых рэчаў.

Вучні атрымалі шмат карыснай і цікавай інфармацыі, а таксама пазнаёміліся з кнігамі, якія прапанавала бібліятэкар.