Матчына мова вуснамі жанчыны

20 лютага ў памяшканні ДУК “Цэнтралізаваная клубная сістэма Маладзечанскага раёна” прайшла літаратурна-музычная гасцёўня “Матчына мова вуснамі жанчыны”, якая была прысвечана Міжнароднаму дню роднай мовы. Арганізатарамі гасцёўні былі ДУК “Цэнтралізаваная клубная сістэма Маладзечанскага раёна”, ДУК «Маладзечанская цэнтральная раённая бібліятэка імя М. Багдановіча» і раённая арганізацыя грамадскага абъяднання “Беларускі саюз жанчын”.

У ёй прынялі ўдзел наступныя паэтэсы: Атрошанка Таццяна Аляксандраўна, Аўсяннікава Тамара Іванаўна, Бунта Тамара Пятроўна, Капуцкая Святлана Васільеўна.

Аўтары з задавальненнем дэкламавалі свае вершы і эссэ, а слухачы мелі магчымасць пачуць родную мову.

Праграму аздобілі сваімі спевамі: удзельнікі аматарскага аб’яднання “Бабулі 21 стагоддзя” і этнаграфічнага клуба “Кола”.

Для прысутных была аформлена кніжная выстава “Свята роднага слова”.

Няхай жа і надалей мова крочыць разам з намі па жыцці!