Маладзечаншчына літаратурная

Сёлетні першы маршрут акцыі “Маладзечаншчына літаратурная” праходзіў праз аграгарадок Аляхновічы.

У чытальнай зале вясковай бібліятэкі на сустрэчу з пісьменнікамі сабраліся настаўнікі, вучні Аляхновіцкай школы, мясцовыя жыхары. Удзельнікі акцыі “Маладзечаншчына літаратурная” Тамара Бярэзіна, Лідзія Гардынец, Аляксандр Хазянін, Аксана Ярашонак і Міхась Казлоўскі вялі размову пра літаратуру, пра неабходнасць ведаць  родныя карані,пазнаёмілі прысутных не толькі са сваёю творчасцю, але і аўтараў, творы якіх увайшлі ў зборнік “Там, дзе Уша серабрыцца”, адказалі на пытанні прысутных. Напрыканцы сустрэчы старшыня сельсавета Ганна Фурс падзякавала пісьменнікаў за цікавую сустрэчу, пажадала творчых поспехаў.