Максіма Багдановіча называюць песняром красы і гармоніі. Вялікая любоў жыве ў народзе да яго паэзіі, да яго самога – як чалавека таленавітага і самаадданага. Кожнае пакаленне зноў і зноў адкрывае для сябе веліч асобы паэта і незвычайнае хараство яго лірыкі.
На мерапрыемства, прымеркаванае да дня нарадженння паэта, былі запрошаны вучні Маладзечанскага таргова-эканамічнага каледжа. Праз мультымедыйную прэзентацыю дэманстраваліся фотаздымкі дзіцячых і юнацкіх гадоў Максіма Багдановіча. Бібліятэкары пазнаёмілі прысутных з біяграфіяй паэта, расказалі падрабязней пра галоўныя моманты жыцця беларускай зоркі. Навучэнцы прынялі ўдзел у віктарыне.
Дзякуючы тэматычнай выставе пазнаёміліся з творчасцю М. Багдановіча, а таксама з творамі аб жыцці і дзейнасці паэта.
Оставить ответ
Для отправки комментария вам необходимо авторизоваться.