Квэст “Мінулых гадоў жывая памяць” 

Гісторыю Вялікай Айчыннай вайны, важныя гістарычныя падзеі свайго краю можна вывучаць па-рознаму: чытаць кнігі, слухаць лекцыі, праглядаць фільмы. Але значна лепш гісторыя запамінаецца, калі ты пражываеш гэтыя важныя падзеі самастойна і ўжо ў працэсе даведаешся пра цікавыя факты і атрымаеш новыя веды.

Супрацоўнікі залы мастацтва цэнтральнай бібліятэкі і гарадской бібліятэкі-філіяла №1 правялі чарговы квэст “Мінулых гадоў жывая памяць” ў рамках праекта “Ідзі і глядзі”. У гульні прынялі ўдзел навучэнцы сярэдняй школы №9 г. Маладзечна. Школьнікі раздзяліліся на дзве каманды і спаборнічалі на хуткасць праходжання маршруту квэста, уважлівасць і правільнасць адказаў. Кожнай камандзе выдаваўся маршрутны ліст, згодна з якім рухаліся хлопцы і дзяўчаты, і ў якім фіксаваліся вынікі каманд.

Удзельнікі квэста з энтузіязмам шукалі адказы на пытанні зададзеныя ў маршрутным лісце, дзякуючы чаму даведваліся яшчэ больш аб слаўнай гісторыі нашага краю.