“Гэта чароўная калядная казка”

У чарадзе навагодніх мерапрыемстваў асаблівае значэнне мае Ражство – цудоўнае свята, якое нясе веру ў лепшае, любоў да людзей і жыцця, да яго вечнага абнаўлення.

Напярэдадні свята супрацоўнікі залы мастацтва цэнтральнай раённай бібліятэкі запрасіла дзяцей на святочную праграму “Гэта чароўная калядная казка”, прысвечаную святу Ражства і народным святочным традыцыям.

Юныя чытачы даведаліся пра нараджэнне Ісуса Хрыста, гісторыю свята, пра тое, чаму менавіта ёлка стала галоўным дрэвам Калядных і Навагодніх свят. А падрыхтаваная маляўнічая прэзентацыя спрыяла больш яскраваму прадстаўленню аб свяце.

Хлопчыкі і дзяўчынкі з задавальненнем прынялі ўдзел у гульнях: “Злавіце зімовае слова”, “Вясёлая ёлачка”, “Прымерзлі”, “Замяні слова”, “Адкажы правільна”, калядавалі і варажылі.

Кніжная выстава “Когда приходят чудеса”, пазнаёміла з літаратурай, якая магла дапамагчы ўсім жадаючым падрыхтаваць падарункі да свят, а таксама карысна правесці час.

Напрыканцы святочнай праграмы дзеці з цікавасцю паглядзелі мультфільм “Ражство” і зрабілі на памяць анёла з паперы.

Усе ўдзельнікі атрымалі шмат пазітыўных эмоцый і добры настрой.