Бібліяноч-2023

Бібліяноч – 2023 «Свет праз культуру, прыгажосць і стварэнне» была прысвечана Году міру і стварэння.

На абанеменце бібліятэкі былі прадстаўлены розныя пляцоўкі.

Прымаючы ўдзел ў літаратурнай гульні «Раскладзём усё па кніжных палічках», наведвальнікі ўспаміналі сюжэты шэдэўраў сусветнай літаратуры. Адказваючы на пытанні фальклорнай віктарыны «Захоўваючы беларускія традыцыі», удзельнікі аднаўлялі веды аб нацыянальных святах. Прайшоўшы да пляцовак «Табе мой народ, мае песні і думы» і «Васільковы спеў» можна было бліснуць ведамі пра жыццё і творчасць пісьменнікаў Максіма Багдановіча і Янкі Купалы.

Жадаючыя маглі разам з багіняй Ляляй паглыбіцца ў нацыянальную міфалогію на інтэрактыўна-пазнавальным занятку «Пантэон беларускіх багоў» і прыняць удзел у віктарыне. Праверыць і ўдасканаліць свае веды аб кнігах і пісьменніках можна было на літаратурным компасе «Святло друкаванага слова». У зале працаваў майстар-клас «Гартаючы старонкі», дзе госці маглі зрабіць сувенір на памяць – міні-кнігу.

Таксама прайшла акцыя «Кніжны гараскоп», у якой можна было атрымаць рэкамендацыі па чытанні.

Падчас бібліяквэста «Свет праз культуру, прыгажосць і стварэнне», наведвальнікам, якія прайшлі ўсе пляцоўкі і атрымалі пячаткі, былі ўручаны асаблівыя прызы.

Наведвальнікі даведаліся аб цікавых фактах з гісторыі і літаратуры роднай краіны, а таксама атрымалі зарад добрага настрою.