Брэйн-рынг “Для кожнага з нас ёсць свая Беларусь”

12 лістапада супрацоўнікі центральнай раённай бібліятэкі імя М. Багдановіча завіталі да навучэнцаў Маладзечанскага медыцынскага каледжа.

Яны прапанавалі ім прыняць удзел у брэйн-рынгу “Для кожнага з нас ёсць свая Беларусь”. Дзве каманды спаборнічалі ў конкурсах, прысвечаных Году малай радзімы. Адкрыццём для будучых медыкаў быў адказ на пытанне, якое тычылася расліны “мох сфагнум”. Толькі у працэсе гульні яны здагадаліся, што гэты балотны мох можа замяніць ёд і вату. Па выніках гульні перамагла каманда “Усмешка”.

Бібліятэкары былі ўражаны глыбокімі ведамі навучэнцаў, якія адказвалі нават на самыя складаныя пытанні. Гульня прайшла весела, цікава, пазнавальна. Пераможцы атрымалі салодкія прызы.